ئینجیل ووشەیەکی یۆنانییە و بە واتای هەواڵی دڵخۆشکەر یان موژدە دێت.
ئەو موژدەیەش ئەوەیە کە عیسای مەسیح هاتووەتە جیهانەوە تا مرۆڤایەتی ڕزگار بکات لە دەستی شەیتان و گوناە.
ئەم هەواڵە لە چوار کتێب (بەش) دا بە ناوەکانی مەتتا و مەرقۆس و لۆقا و یۆحەننا بە ڕابەراتی ڕۆحی پیرۆز نوسراوەتەوە. هەریەک لەم نوسراوانە لە گۆشەنیگاو ڕوانگەیەکەوە تیشکی خستوەتە سەر ژیانی عیساو فێرکردنەکانی.
کەواتە ئەگەر لە چوار کتێبدا نوسراوەتەوە واتای ئەوە نییە چوار ئینجیل یان چوار هەواڵی دڵخۆشکەر بوونی هەیە.
بەڵکو یەک ئینجیل کە لە لە چوار کتێبدا نوسراوەتەوە. پاشان هەموو ئەم کتێبانە لەگەڵ نامەی نێردراوەکانی مەسیح لە یەک کتێبدا کۆکراونەتەوە کە پێی دەوترێت ئینجیل یان پەیمانی نوێ.
هەروەکو چۆن قورئان لە 114 سورەتدا نوسراوەتەوە و بە هەموویانەوە قورئان پێکدەهێنن.