کورد یەکەم گەل بوو لەسەر گۆی زەوی کە مەسیحی ناسی و وەک خودا پەسەندی کرد. کاتێک مەسیح لە دایک دەبێت، خودا گەلی کورد بانگێشت دەکات بۆ ئەوەی مەسیح ببینن و بیناسن. مەجوسیەکان یاخود مۆغەکان، پیاوانی ئاینی زەردەشتی بوون. ئەوان نەک تەنها پیاوانی ئاینی بوون، لە هەمان کاتدا ئەستێرە ناس و زانای سەردەمی خۆیان بوون.
کاتیک مەسیح لە دایک دەبێت خودا لە ڕێگەی ئەستێرەیەکەوە ڕێنوێنیان دەکات تا بگەنە ئەو شوێنەی کە مەسییحی تێدا لە دایک بووە. بۆیە ئەوانش بەرەو ڕۆژئاوا و بە ئاراستەی ئیسرائیل بەڕێ دەکەون. بە گەیشتنیان کڕنوش بۆ مەسیحی تازە لە دایکـ بوو دەبەن (زەردەشتیەکان جگە لە خودا کڕنوشیان بۆ کەس نەدەبرد) و دیاری گرانبەهای وەک زێڕ و بخورد موڕ پێشکەش دەکەن، هەروەک چۆن لەو سەردەمەدا باو بووە کە دیاری لەو شێوەیە پێشکەشی پاشاکان بکەن.
ئەم ڕاستیە وەک چەندەها ڕاستی تر، تا ئێستا لە گەلەکەمان شاردراوەتەوە و زۆربەمان ئەم بەشە مێژوییە گرنگەی گەلەکەمان نازانین. بۆیە گرنگە ئێمە پێش هەموو گەلێک، هەوڵی ناسینی مەسیح بدەین و یادی لە دایک بوونی بکەینەوە.گرنگە بزانین مەسیح کێیە و بۆچی هاتە دونیاوە و چ پەیامێکی بۆمان هەیە. پێویستە لەخۆمان بپرسین بۆچی باپیرانمان وەک یەکەمین نەتەوە پێشوازیان لە مەسیح کرد و وەک پادشا قبوڵیان کرد.
لێرەدا دەتوانی ئەوبەشەی ئینجیل بخوێنیتەوە کە باسی هاتنی کوردەکان دەکات بۆ لای مەسیح
مۆغەکان سەردانی مەسیح دەکەن
ئینجیل- مەتتا ٢: ١- ١٢
لەدوای لەدایکبوونی عیسا لە بێت‌لەحمی یەهودیا ، لە سەردەمی هێرۆدسی پاشا، هەندێک مۆغ لە ڕۆژهەڵاتەوە هاتنە ئۆرشەلیم، پرسییان: «پاشای لەدایکبووی جولەکە لەکوێیە؟ لە ڕۆژهەڵاتەوە ئەستێرەی ئەومان بینی، هاتووین کڕنۆشی بۆ ببەین.» کاتێک هێرۆدسی پاشا ئەمەی بیست، پەشۆکا و هەموو خەڵکی ئۆرشەلیم لەگەڵی پەشۆکان. هەموو کاهینانی باڵا و مامۆستایانی تەوراتی گەلی کۆکردەوە، لێی پرسین: «مەسیح لەکوێ لە دایک دەبێت؟» وەڵامیان دایەوە: «لە بێت‌لەحمی یەهودیا، چونکە لە ڕێی پێغەمبەرەکەوە ئاوا نووسراوە: «[بەڵام تۆ ئەی بێت‌لەحمی خاکی یەهودا، کەمتر نیت لە شارۆچکەکانی دیکەی یەهودا، چونکە لە تۆوە فەرمانڕەوایەک دەردەکەوێت، شوانایەتی گەلی ئیسرائیلم دەکات.] » دوای ئەمە هێرۆدس بە نهێنی مۆغەکانی بانگکرد و لەبارەی کاتی دەرکەوتنی ئەستێرەکە لێکۆڵینەوەی لەگەڵ کردن. ئینجا بۆ بێت‌لەحمی ناردن و پێی گوتن: «بڕۆن و بە وردی بەدوای منداڵەکەدا بگەڕێن. کاتێک دۆزیتانەوە هەواڵم بدەنێ، تاکو منیش بێم و کڕنۆشی بۆ ببەم.» لەدوای ئەوەی گوێبیستی پاشا بوون، ڕۆیشتن، هەمان ئەو ئەستێرەیەی کە لە ڕۆژهەڵات بینیبوویان، پێشیان کەوت و هات و لەسەر ئەو شوێنە ڕاوەستا کە منداڵەکەی لێبوو. کاتێک ئەستێرەکەیان بینی، زۆر شادمان بوون، چوونە ماڵەکە، منداڵەکەیان لەگەڵ مریەمی دایکی بینی، دانەوینەوە و کڕنۆشیان بۆ برد و سندوقی گەنجینەکانیان کردەوە، زێڕ و بخوور و موڕیان بە دیاری پێشکەش کرد. ئینجا خودا لە خەوندا مۆغەکانی ئاگادار .کردەوە کە نەگەڕێنەوە لای هێرۆدس، ئەوانیش بە ڕێگایەکی دیکەدا گەڕانەوە وڵاتی خۆیان.